HARI SATU, 11 OKTOBER 2021

KAPIT: Pengerami ngintu Hari Lumba Menua (HSN) Sitak Kapit udah diintu enggau jelan tang rami ke diatur ba laman Kompleks Perintah Nengeri Sarawak, Jalai Bleteh ditu, kena Hari Minggu.

Pengerami nya dipenyadi Kaban Kunsil Nengeri (ADUN) Bukit Goram, Jefferson Jamit lalu digulu urung 50 iku penyereta ari macham bengkah ejensi perintah.

Jefferson ba jaku iya madah, pengerami HSN taun tu mai reti ke besai sepengudah setaun enda diintu ketegal pandemik COVID-19.

Ku iya, program baka nya tau bendar mai mensia mayuh bela ngemeranka chara idup bepengerai.

Awak nya bela dikena iya ngelalalu mensia mayuh dia ngambika semampai ngasika atur operasyen standard (SOP) dikena nagang pengelekai COVID-19. -EDISI UKAS