HARI SATU, 18 OKTOBER 2021

LAMBIR: Taja penyampau ke udah betuchuk vaksin COVID-19 udah datai ba tikas imuniti beraban kelimpah beberapa sektor dagang bela udah dibuka ba Pelin Ngaduka Menua (PPN) Renggat 3 tang atur operasyen standard (SOP) patut dititihka belama.

Kaban Kunsil Nengeri (ADUN) Lambir Ripin Lamat madah, virus penyakit nya agi mengkang bisi lalu mensia mayuh mesti nyaga pengelikun diri.

“Titihka SOP ke udah ditetapka perintah taja diatu udah mayuh sektor dagang dibuka.

“Tu dikena nentuka kitai bela besaup nagang pengelekai COVID-19,” pia ku iya madah.

Iya mantaika jaku lalau nya ba Program Abas UKAS DUN Lambir, kena Hari Enam.

Ba program nya, 76 ruang bilik ari Kawang enggau 151 ruang bilik ari Bukit Peninjau nerima pemeri kereban nyaga pengelikun diri ari Unit Komunikasi Awam Sarawak (UKAS). -EDISI UKAS