KWB Nyuaka Projek Perintah Nengeri Beungkus RM328,503

HARI SATU, 18 OKTOBER 2021

KUCHING: Kaban Kunsil Nengeri (ADUN) Tupong, Fazzrudin Abdul Rahman udah datai ngulu program nyuaka kontrak projek ari Opis Ai Kuching (KWB) ngagai kontraktor M/S P.J.P Enterprise ke ngaga projek perintah nengeri di Kampung Gita, Sungai Maong, empai lama tu tadi.

Projek ke beungkus RM328,503 nya udah berengkah digaga 1 September tu tadi tang tejanggal ketegal pandemik COVID-19 lalu dipelabaka tembu 1 March 2022.

KWB deka nyediaka paip ‘160mm outer diameter High Density Polyethylene (HDPE) enggau 1,669m tauka 1.7 kilometer pemanjai ba projek nya.

Program sehari nya diatur Palan Servis ADUN Tupong enggau KWB sereta digulu Tuai Kampung Gita Laut, Othaman Riduan. -EDISI UKAS