ADUN Bukit Saban Meri Chek Ngagai Empat Gerempung Di Spaoh

HARI SATU, 25 OKTOBER 2021

SPAOH: Sapit Kepala Menteri Datuk Amar Douglas Uggah Embas udah nyuaka chek ngagai empat iti gerempung ditu, kena Hari Minggu tu tadi.

Iya ke mega Kaban Kunsil Nengeri (ADUN) Bukit Saban nyuaka chek nya ngagai Gerempung Tiong Hua Spaoh ungkup chek keterubah (RM50,000), Gerempung Tiong Hua Spaoh/chek kedua (RM20,000), Spaoh Chinese Temple Charitable Trust Board (RM10,000) enggau PIBG SJK Chung Hua Spaoh (RM5,000).

Nangkan ke nya, Datuk Amar Douglas Uggah mega bisi ngatur program berandau enggau Komiti Pati Parti PBB ari Kampung Melayu di Spaoh.

Tuju program nya diatur deka berandauka enggau pekara ke nyadi ba komuniti sida. -EDISI UKAS