HARI SATU, 8 NOVEMBER 2021

SELANGAU:Tujuh buah rumah panjai di sitak Kunsil Nengeri (DUN) Tamin ke bisi nama ba Projek Ngemanahka Rumah Seranta Sarawak (PPRMS) ungkup renggat 2021 udah nerima bantu atap spandeks.

Pengawa ngelai nyuaka bantu nya dipenyadi ex-Kaban Kunsil Nengeri (ADUN) Tamin, Ir Christopher Gira Sambang lalu bela digulu Sekretari Politik Kepala Menteri, Edwin Banta.

Rumah panjai ke nerima bantu tu iya nya Rumah Sylvester Jelian, Sungai Buloh, Rumah Arun, Batang Oya, Rumah Achan, Jalai Dijih, Rumah Magdeline Entayang, Melinau, Rumah Rantai, Sebintek, Rumah Pom, Siong Tengah enggau Rumah Pansie Siong Ili.

Ir Christopher enggau nya ngarapka bantu nya ulih nyaup ngelempungka mimit belanja peranak rumah panjai ngaduka rumah sida. -EDISI UKAS