Agi Mayuh Pemansang Deka Digaga Di Pelilih Lawas

29 NOVEMBER 2021

LAWAS: Pengawa ngaga Tamu Lawas Renggat 2 ti nitihka tembu kena 19 Oktober tu tadi, diatu udah mujur ditembuka.

Sapit Kepala Menteri Sarawak Datuk Amar Awang Tengah Ali Hasan madah, penanggul nya nyadi ketegal Atur Mindah Betagang (PKP) dipejalaika sebedau tu.

Projek nya digaga enggau ungkus RM18 juta lalu digaga ngena chara dua renggat.

“Renggat keterubah digaga nengah ungkus RM7 juta lalu tembu kena 21 Januari 2021. Renggat kedua dilanggur tembu 19 Oktober 2021.

“Projek renggat kedua tu laun tembu ketegal COVID-19,” pia ku iya madah maya Pengerami Bejadika Tamu Lawas, kena Hari Minggu tu tadi.

Datuk Amar Awang Tengah ke mega Menteri Pemansang Mengeri enggau Pengeraja Asal II madah, agi mayuh pemansang bukai benung digaga sereta dilanggur ungkup peranak Lawas.

Tu nyengkaum projek ngemanahka kedai semak enggau Waterfront Lawas, ngaga Anjung Usahawan enggau beberapa iti ‘mini waterfront’.

Pengerami sehari nya bela digulu ex-ADUN Batu Danau Palu@Paulus Gumbng sereta bala bukai. -EDISI UKAS

add comment