Datuk Rosey Yunus Bediri Baru Ngetan Penduduk DUN Bekenu Ba PRN-12

Hari Dua, 30 November 2021

NIAH: Menteri Muda Orang Indu enggau Pemansang Nembiak Mit Sarawak, Datuk Rosey Yunus ke mega ex-ADUN Bekenu dikeandal ngetanka penuduk DUN Bekenu maya Pengawa Bepilih Besai Nengeri (PRN) Sarawak Ke-12 tu.

Pekara nya dipadahka Kepala Menteri ke mega Chairman Gabungan Parti Sarawak (GPS) Datuk Patinggi Tan Sri (Dr) Abang Abdul Rahman Zohari Tun Datuk Abang Openg maya Pengerami Bejadi Waterfront Niah Renggat 2 ba Dewan Tebuka Sepupok Niah, kena Hari Satu.

“Enda lama agi, rayat deka milih sapa bagi chalun ke ulih nyadi pengari rayat sida ba N.71 Bekenu.

“Nadai utai dirunding agi laban chalun kitai, Datuk Rosey Yunus, siku chalun ke engkeman nandu pengawa ngaduka pemansang ba Subis tauka DUN Bekenu,” pia ku iya madah.

Dulu ari nya, Datuk Rosey ba jaku iya madah, perintah GPS bekenaka sukung baru ari rayat dikena nandu pengawa numbuhka pemansang.

Ku iya, pegai GPS deka majakka pelin pemansang ungkup pengelantang semua rayat.

“Perintah Sarawak nengah GPS enda ngelakka dini-dini menua ba nengeri tu nadai pemansang,” ku iya madah. -EDISI UKAS

add comment