HARI SATU, 6 DISEMBER 2021

GEDONG: Sepengudah 40 taun nyadi pengari rayat ba DUN N.8 Satok, Chairman Gabungan Parti Sarawak (GPS) ke mega Kepala Menteri Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg mutus deka nyadi pengari rayat ba DUN N.26 Gedong.

Maya bejaku di Gedong kena Hari Minggu tu tadi, ku iya, penuduk Gedong dipilih ketegal iya deka meri servis ngagai rayat di menua pesisir sebedau iya badu gawa.

“Udah 40 taun nyadi pengari rayat di Satok, diatu aku deka gawaka rayat di menua pesisir sebedau aku badu gawa.

“Bisi mega aku dipinta bediri ba penuduk bukai tang aku mutus deka bediri ba penuduk Gedong,” pia ku iya madah di Gedong, kena Hari Minggu.

Ba program sehari nya, Datuk Patinggi Tan Sri Abang Zohari mega madahka Gedong enggau Sebuyau diatu udah diangkat nyadi pelilih menua. -EDISI UKAS