HARI SATU, 6 DISEMBER 2021

BEKENU: Empat iku chalun parti deka bediri ba penuduk Kunsil Nengeri (DUN) N.71 Bekenu maya Pengawa Bepilih Besai Nengeri (PRN) Sarawak Ke-12.

Gabungan Parti Sarawak (GPS) diarika penyandang penuduk nya, Datuk Rosey Yunus lalu Norhafizah Mohammad Joharie (Parti Keadilan Rakyat), Abu Bakar Amit (Parti Sarawak Bersatu) enggau Desmond Gani Pengiran (Parti Bumi Kenyalang).

Maya pengawa ngantung nama nya ke diatur ba Balai Mensia Mayuh Bekenu, sehari tu tadi, Datuk Rosey diuluka Richard Pie ke nyadi pemeri nama iya ke nyadi chalun enggau Lukanisman Awang Sauni nyadi penyokong.

Serak tu, DUN N.71 Bekenu bisi 12,674 iku pengundi.

Ba PRN-11, Datuk Rosey menang enggau majoriti 6,009 iti undi. -EDISI UKAS