Kepala Menteri Chakah Ngetan Hak Sarawak, Ngemansangka Menua Pesisir

HARI EMPAT, 16 DISEMBER 2021

KANOWIT: Perintah Sarawak udah mayuh ngungkupka agih belanja dikena ngaduka pemansang menua lebih agi ba menua pesisir.

Kepala Menteri Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg madah, tu nyengkaum nentuka pemansang ba Ngemah pegai Kanowit kelimpah Machan enggau menua ke besemak dia.

“Kaban Parlimen Kanowit, Datuk Aaron Ago Dagang bisi minta ngambika ejensi pemansang menua ditumbuh ngambika ulih nyaup ngaduka pemansang ba menua tu lalu kitai deka ngaduka pansik enggau chara ngaduka iya.

“Ba aku, menua tu ba bungkur RASCOM lalu kitai ulih ngaduka pelin pemansang nyengkaum infrastruktur,” ku iya madah.

Nambahka jaku iya, Datuk Patinggi Tan Sri Abang Zohari madah, iya endang beamat-amat ngaduka pemansang ba menua pesisir nyengkaum di Gedong kelimpah baka di DUN Satok ke diatu udah baka mengeri sekumbang ke pegai iya lebih 40 taun.

Nambahka jaku iya, Datuk Patinggi Tan Sri Abang Zohari madahka Sarawak betuah laban dipegai perintah ke entap sereta chakah bepun ari pengelandik Gabungan Parti Sarawak (GPS).

Sama bela datai maya pengerami nya, Sapit Menteri Pengerai II ke mega Kaban Parlimen Kanowit, Datuk Aaron Ago Dagang, Sapit Sekretari Perintah Sarawak (Transformasyen Sosio Ekonomi), Dato Sri Mohamad Abu Bakar Marzuki enggau chalun GPS ba DUN Ngemah Anyi Jana sereta ke bukai. -EDISI UKAS

add comment