PRN-12 Sarawak: Datuk Amar Douglas Ngundi Ba Rumah Mendit Unsu di Penom, Spaoh

HARI ENAM, 18 DISEMBER 2021

SPAOH: Sapit Kepala Menteri, Datuk Amar Douglas Uggah Embas ngundi ba Rumah Mendit Unsu, Penom, Spaoh, pagi tadi.

Penatai Datuk Amar Douglas ngundi tadi bela disempulang bini iya, Dato Doreen Mayang enggau tiga iku anak seduai sereta bala bukai ke datai ba palan nya sepengudah dibuka urung 7.30 pagi.

Iya ke mega penyandang DUN Bukit Saban ba PRN tu besemekih enggau chalun Parti Keadilan Rakyat (PKR) enggau Parti Sarawak Bersatu (PSB)

Maya dirandau media udah ke ngundi, Datuk Amar Douglas Uggah ke mega Direktor Operasyen Pengawa Bepilih Gabungan Parti Sarawak (GPS) ngarapka abis nadai 70 peratus rayat nurun ngundi ba serata nengeri sehari tu.

Nambahka nya, iya madah, PRN Sarawak Ke-12 ke sekali tu dipeda chukup mayuh leman sereta mai penguji.

Iya madah, SOP ukai semina terit dipejalaika ba mengeri tang mega ba menua pesisir.

Kelimpah ari nya ku iya, penanggul ba internet bela mai penanggul maya pengawa bepilih serak tu.

Tu ku iya, jauh amat banding enggau pengawa bepilih taun 2016 suba lebih agi kimpin begulai enggau bala mayuh endang betagang sereta bisi lebas.

Bekaul enggau pengawa iya bekena media rama bejalaika kimpin, iya mega madahka kimpin iya napi penanggul sentang internet ba beberapa bengkah endur. -EDISI UKAS

add comment