Datuk Ding Betemu, Beterima Kasih Ngagai Rayat Meradong

HARI DUA, 21 DISEMBER 2021

BINTANGOR: Datuk Ding Kuong Hiing udah datai betemu enggau rayat ba pasar Bintangor alai iya beterima kasih ngagai sida ke udah nyukung iya ba Pengawa Bepilih Besai Nengeri Ke-12 (PRN-12) Sarawak, kena Hari Satu.

Maya nya iya madah, pemujur iya ba pengawa bepilih serak tu dipulaika iya ngagai rayat pelilih Meradong kelimpah ngarapka rayat dia semampai begempung penemu ba tuju nyungkakka pemansang ungkup lima taun tu.

Ku iya, PRN tu ngelai penegap penyerakup pupu raban bansa di Meradong ti bela ngayanka sukung tegut ngagai pegai perintah Gabungan Perintah Sarawak (GPS) betuaika Kepala Menteri, Datuk Patinggi Tan Sri (DR) Abang Abdul Rahman Zohari Tun Datuk Abang Openg.

Awak nya bela dikena iya berandau sereta ngerapitka kaul begulai enggau mensia mayuh enda ngira bansa enggau jalai pengarap. -EDISI UKAS

add comment