Rayat Sarawak Ngandalka Perintah, Politik Ti Tegap

HARI DUA, 21 DISEMBER 2021

SARIKEI: Datu Len Talif Salleh madahka diri berasai lantang ati enggau meri terima kasih ngagai peranak menua DUN Kuala Rajang laban udah milih iya nyadi pengari rayat.

Datu Len beterima kasih mega ngagai orang gawaka parti PBB Kuala Rajang ti udah chakah bekimpin nyentukka iya menang ba PRN Sarawak Ke-12 tu tadi. 

Maya pengawa bepilih serak tu, Datu Len Talif Salleh bulih 5,268 undi ngalahka dua chalun ngati kediri enggau siku chalun ari Parti Bumi Kenyalang (PBK) enggau majoriti sepenyampau 3,325.

maya ‘Majlis Penghargaan Petugas Pilihanraya’ ba Dewan Serbaguna Kampung Seberang, Sarikei kena Hari Satu tu tadi, iya madah deka neruska pengawa ti udah diperambu ngelama tu lalu nentuka pengawa ke patut nyadi pengari rayat dia.

Iya nandu, rayat pechaya iya ulih mai pemaik ngagai peranak Kuala Rajang lalu meri servis ke manah jemah ila.

Iya nyemetak madah, Gabungan Parti Sarawak (GPS) menang besai ba PRN ke sekali tu ngelai rayat Sarawak endang milih politik enggau perintah ti dikeandalka mai pemansang ngagai menua.  – EDISI UKAS 

add comment