Program Vaksinasyen Enggau Mobilisasi Vaksin Chakah Dipejalaika Ba Tebedu

HARI ENAM, 25 DISEMBER 2021

SERIAN: Opis Pengerai bagi menua Serian bisi bejalaika program luar dikumbai Program Mobilisasi Vaksin kelimpah servis meri vaksin COVID-19 ba Palan Meri Vaksin (PPV) Dewan Masyarakat Tebedu.

Tuju program nya dikena nentuka semua peranak menua nya nadai tinggal nerima vaksin.

Naka Hari Empat, Program Mobilisasi Vaksin nya udah mujur meri vaksin ngagai raban orang lunggar umur ba sitak Tebedu nyengkaum sida ari Kampung Temong Putah, Temong Bengan, Sungan enggau Entubuh.

PPV Dewan Masyarakat Tebedu agi dibuka nyentuk ujung taun tu berengkah pukul 8.30 pagi nyentuk 3.00 lemai lalu mensia mayuh ulih datai terus tauka (walk-in).-EDISI UKAS

add comment