Dato Sri Lee Ngabas 3 Projek RTP Taman Rekreasyen Di DUN Senadin

HARI DUA, 28 DISEMBER 2021

MIRI: Pengudah menang ba Pengawa Bepilih Besai Nengeri Ke-12 (PRN12) Sarawak, Dato’ Sri Lee Kim Shin terus gawa ngabas Projek Transformasyen Menua Pesisir (RTP) ke dipejalaika ba sitak Kunsil Nengeri (DUN) N.75 Senadin, kemari.

Ba pejalai keterubah, Dato’ Sri Lee ngabas taba perambu Taman Rekreasyen di Kiambang 1A, Tudan Fasa 3 Miri.

Projek Fasa 1 iya nya ngaga arung endur joging 2.7 meter pemanjai diatu benung digaga berengkah 15 disember tu tadi ungkup timpuh dua bulan enggau ungkus RM100,000.

Udah nya, Dato’ Sri Lee ngabas projek ngaga arung joging 3 meter pemanjai ke beungkus RM100, 000 ba Taman Rekreasi di RPR Lorong 5, Permayjaya Miri Fasa 1 ke udah tembu digaga kena 5 November tu tadi.

Bela bisi diabas iya nya Projek Fasa 1 perambu ngaga arung jogging  3 meteri pemanjai ba Taman Rekreasi Jalai Berlian, Vista Perdana Miri ke udah berengkah digaga 15 disember tu tadi enggau ungkus RM100,000 sereta dipelaba tembu dalam kandang sebulan. 

Kenu ku Dato’ Sri Lee, pengawa ngaga taman rekreasyen ba genturung pendiau ba DUN Senadin dikena ngubah landskap gadung ba kandang genturung pendiau sereta nyendiaka palan endur mensia mayuh ngelantang ati.-EDISI UKAS

add comment