53 Peratus Peranak Sarawak Udah Nerima Dos Booster Vaksin COVID-19

HARI TIGA, 29 DISEMBER 2021

KUCHING: Urung 53 peratus peranak Sarawak udah nerima dos booster vaksin COVID-19 naka 26 Disember 2021.

Nengah penerang dibantaika Komiti Khas Jamin Penyambung Bekal Vaksin COVID-19 (JKJAV) kena Hari Satu, peratus nya mungkur urung 1,082,753 iku penerima vaksin.

Penyampau tu ngujungka Sarawak nyadi menua ke ngerikodka penerima dos booster vaksin COVID-19 ke pemadu mayuh ba Malaysia.

Berebak enggau nya, Komiti Penyangga Penusah Nengeri (JPBN) Sarawak apin lama ke udah nesau mensia mayuh ke bedau nerima tuchuk dos booster datai betuchuk dikena ngenapka status udah betuchuk vaksin COVID-19.

Sida patut nerima tuchuk nya abis laun bulan Februari 2022 dikena nyeliahka status vaksin betukar ngagai bedau genap enggau enda ulih nerima pengelebih baka orang bukai ke udah genap divaksin.-EDISI UKAS

add comment