Datuk Amar Douglas Ngerami Tim PRN-12 DUN Bukit Saban

HARI TIGA, 29 DISEMBER 2021

BETONG: Pengawa enggau pengeransing raban tim Pengawa Bepilih Besai Kunsil Nengeri (DUN) N.37 Bukit Saban dirami nengah sebengkah program basa ba Dewan Masyarakat Spaoh, Hari Dua.

Pengerami nya digulu Datuk Amar Douglas Uggah Embas begulai enggau komuniti Iban nyengkaum Kaban Komiti (AJK) Parti Pesaka Bumiputera Bersatu (PBB) Pating Besai, Pating Indu enggau Nembiak ari 13 pating ba rumah panjai, bala tuai rumah, kaunselor enggau tuai komuniti sereta tuai rumah (KMKK).

Ba jaku iya, Datuk Amar Douglas meri besai terima kasih ngagai semua tim PRN12 Sarawak ke udah bebendar gawa sekumbang pengawa bepilih besai tu tadi.

Ku iya, asil pengeransing enggau kerejasama tim parti gawa enda ngira jam ngujungka Gabungan Parti Sarawak (GPS) nyapai pemujur ba bukit saban enggau menang 76 ari 82 iti penuduk.

Pia mega, pemujur nya mandangka rayat Sarawak nerima pengawa ke diperambu perintah GPS ke udah dibantai dalam manifesto.

Dulu ari nya, program ke sebaka bisi diatur kena Hari Satu ngerami raban komuniti Melayu enggau China ba Spaoh lalu pengerami nya dibagi dua renggat laban nitihka Atur Pengawa Standard (SOP).-EDISI UKAS

add comment