32 Raban Ngerichahka Pekit Petanque Double Nembiak Sarawak Ba Meradong

HARI ENAM, 1 JANUARI 2022

MARADONG: Bisi 32 tim  lelaki enggau indu ari pelilih Saratok, Kabong, Sibu, Sarikei, Bintulu enggau Meradong ngambi bagi ba Pekit Petanque Double Nembiak Sarawak 2021 baruh 21 Taun ba Gelanggang Petanque Pelilih  Meradong, Hari Lima.

Pekit nya diatur Kelab Petanque Pelilih Meradong enggau dipenyadika Datuk Ding Kuong Hiing.

Ba jaku iya, Datuk Ding ngarapka semua pemekit bulih peneleba ke baru ari pekit nya enggau nambahka pengelandik sida lalu meransang sida chakah agi belatih ngambika ulih nyingkang ngagai tikas ke lebih tinggi ba main nya. 

Ku iya, pekit nya nyadi menalan pemadu manah endur semua pemekit ngedut kaul enggau pangan diri.

Ba pengujung jaku iya, Datuk Ding ngagihka belanja RM3,000 ngagai Kelab Petanque Meradong kelai nyukung Pekit Petanque Double Nembiak Sarawak 2021 ungkup baruh 21 Taun nya.-EDISI UKAS 

add comment