DBNA Chakah Manah Ngelempungka Penusah Ruang Bilik, Orang Tusah

HARI ENAM, 1 JANUARI 2022

TEBEDU: Program Tanggungpengawa Rama  Koporat (CSR) diatur Gerempung Bansa Dayak Bidayuh (DBNA) Tebedu udah diatur ba Opis Pelilih Tebedu, Hari Tiga.

Kelai pengawa nya dikemujurka Pegawai Pelilih Tebedu, Joseph Liaw enggau Chairman Unit DBNA, Ayahanda Kane Manung ngagai 62 iku peranak ari 31 buah genturung pendiau. 

Kenu ku Ayahanda Kane, program baka nya deka disambung nyema bisi belanja diberi orang luar.

Iya mega madah tuju program nya dikena ngelempungka penusah ditapi ruang bilik enggau orang siku-siku seraya dikena mandangka penyiru pampang dbna tebedu. 

Udah nya, iya madah ngambika program nya terus idup dia raban sida deka ngiga chara dikena ngulihka belanja ari Pengari Rayat, Serikat Besai, Opis Korporat enggau orang siku-siku ti ulih meri bantu dikena nulung orang tusah.-EDISI UKAS

add comment