Lebih 583,000 Dos Pfizer Datai Ba Sarawak Kena 30 Disember 2021

HARI ENAM, 1 JANUARI 2022

KUCHING: Lebih ari 583,000 dos vaksin Pfizer-BioNTech COVID-19 udah datai ba  Sarawak kena Hari Empat tu tadi.

Kenu ku Dato Sri Prof Dr Sim Kui Hian ba laman faccebook iya Hari Empat, nya entara penatai vaksin ke pemadu mayuh diterima nengeri tu nengah  Program Imunisasyen COVID-19 Nasional (PICK) nengeri tu.

Ku iya, nya nyadi sebagi ari penyikap dikena nyendiaka dos booster ungkup sida ke udah genap nerima dua dos Pfizer tauka Astrazeneca ti udah diinsur ari timpuh enam bulan ngagai tiga bulan baka ke udah dipadah Menteri Pengerai, Khairy Jamaluddin apin lama ke udah.

Dato Sri Prof Dr Sim mega minta rayat datai betuchuk dos booster enggau lengkas sebedau Omicron mayuh ngerampit komuniti.-EDISI UKAS

add comment