Program GAP Nyungkak Sosioekonomi Peranak DUN Mambong

HARI ENAM, 1 JANUARI 2022

PADAWAN: Urung RM5.8 juta belanja udah dikemendar ungkup Program Kimpin Licha Tanam Baru & Good Agriculture Practice (GAP) dibaruh Program Skim Tanam Baru Pekebun Mit Getah (RISDA) nyerumba Pengawa Nasih Tanah enggau Miring Penumbuh Tanam Baru Betumpuk (TSB) Kampung Emperoh Git.

Program nya udah dipenyadika Datuk Dr. Jerip Susil ba Dewan Serbaguna Kampung Emperoh Git kena Hari Empat. 

Datuk Dr Jerip mega meri terima kasih ngagai raban RISDA laban udah milih DUN Mambong nyadi palan program RISDA. 

Kenu ku Datuk Dr Jerip, kelimpah Kampung Git, program nya mega bisi digaga ba Kampung Karu, Kampung Sorot Bunuk enggau Kampung Semadang dikena nyungkak sosio ekonomi rayat di DUN Mambong nengah Program Betanam Betupi bedandang enggau betumpuk. -EDISI UKAS

add comment