Kimpin Pengelikun Jalai Raya, Ngurangka Kes Bebadi

HARI MINGGU, 2 JANUARI 2021

SIBURAN: Kimpin pengelikun jalai raya lebih agi ba raban deriba motosikal patut dikerembai agi dikena ngurangka penyadi kes bebadi.

Datuk Dr. Jerip Susil madah, kimpin pengelikun beguna amat dikena nyeridi penguna jalai raya lebih bejimat.

Maya bejaku ba Program Kimpin Pengelikun Jalai Raya Siburan apin lama ke udah, iya madah penguna jalai raya patut lebih mereti dikena ngurangka penyampau kes bebadi nyawa.

Udah nya, iya ngelalau penguna jalai raya terus ngasika atur ke udah dipadah nyengkaum ngena perengka pengelikun baka topi kelidar ke udah dikemendarka raban bekuasa.

Program nya diatur Opis Menteri Perengka Pengangkut Sarawak dikena ngiri penemu ngagai penguna jalai raya lebih agi raban deriba motosikal pasal pengelikun ba jalai raya.

Ba program nya, Datuk Jerip bisi nyuaka topi kelidar sereta vest pengelikun ngagai raban deriba motosikal.-EDISI UKAS

add comment