Perintah Nangguhka Dulu Pemendar Pejalai Umrah Berengkah 8 Januari 2022

HARI MINGGU, 2 JANUARI 2022

KUCHING: Perintah Besai ngaga pemutus nangguhka pemendar pejalai umrah berengkah 8 Januari 2022 nyentuk haribulan baru ke deka dipadah udah tu.

Menteri Pengerai, Khairy Jamaluddin madah, pemutus nya digaga beduduk ari 1,306 tauka 11.76 peratus ari 11,108 penyampau raban umrah ke datai ba Malaysia ditemu positif COVID-19 naka 30 Disember 2021. Iya madah munyi nya ba aum pemberita, Hari Enam.

Kenu ku Khairy, perintah mega merambu pengawa meli tikit pejalai umrah ditangguh berengkah 1 Januari 2022.

Ku iya, nyentuk 30 Disember 2021, bisi 9 kluster ditemu mungkur raban umrah entara nya 5 kluster lalu kes-kes indeks ke ditemu nya diaku varian Omicron.

Khairy mega madah, raban ke deka bekejang ke Mekah kena 1 nyentuk 7 Januari 2022, sida dikemendar neruska pejalai diri.

Taja pia, ku iya sida patut kuarantin ba stesyen kuarantin tauka hotel ke udah dipadah nyema pulai baru ke Malaysia.-EDISI UKAS

add comment