263 Pedaja Di MPP Nerima Bantu BKSS 6.0

HARI SATU, 3 JANUARI 2022

PADAWAN: Urung 263 iku pedaja enggau pedagang mit ba sitak Kaunsil Mengeri Padawan (MPP) nerima Bantu Khas Sarawakku Sayang (BKSS) 6.0.

Kelai pengawa dikemujurka Chairman MPP, Lo Khere Chiang ngagai tiga iku pedagang ke nadai tingki lalu sida bukai bela nerima nengah akaun bank diri empu.

Kenu ku Khere Chiang, MPP deka terus meri bantu belanja BKSS ngagai raban pedaja enggai pedagang ke nadai akaun bank.

Berebak enggau nya, iya mega madah MPP udah menang Anugerah SDG taun 2021 enggau Juluk No. 11: Mengeri enggau Komuniti Meruan ngena Sistem Lampu Trafik Pintar. 

Ku iya, nengah sistem lampu trafik pintar nya, mensia mayuh diatu ulih bejalai enggau nadai penanggul lebih agi maya jam dedat ba jalai raya lalu sistem nya mantu sida enda kelalu masau jam ba jalai raya.-EDISI UKAS

add comment