Bejimat Penyakit Dibai Ai, Pemakai Maya Musin Ampuh Bah

HARI SATU, 3 JANUARI 2022

LIMBANG: Opis Pengerai Bagi Menua Limbang udah bejalaika pengawa meresa pengerai kandang endur kena Hari Lima ba sekeda endur mungkur Kampung Limpaku Pinang, Rumah Brain Meruyu, Rumah Panjai Sungai Lubai enggau Palan Memarin Sungai Reda, Limbang.

Pengawa nya digaga dikena nentuka kandang endur nya beresi nadai ngundan penyakit dibai ai nyengkaum penyakit Kolera.

Mensia mayuh ke mudah kena ampuh bah sebedau tu ditangkan seruran ngena kereban nyaga diri enggau meresi rumah pengudah kena bah, terus mandi pengudah bejalaika pengawa meresi rumah, tentuka kereban rumah enggau dapur seruran beresi sereta punaska palan endur indu utai besarang.

Opis Pengerai Limbang mega nesau mensia mayuh ke bisi tebunsa ketegal ampuh bah lengkas nganjung diri berubat nyema bisi ngasaika diri tabin, muang ai,  muntah enggau ke bukai dalam kandang 30 hari pengudah sida tembu meresi kandang rumah.-EDISI UKAS 

add comment