Dayang Norazah Enggau Ngerami Hari Ruang Bilik PPWS Kampung Agropolitan Seduku Baru, Lingga

HARI SATU, 3 JANUARI 2022

LINGGA: Dayang Norazah Awang Sohor ke baru udah menang ba penuduk Kunsil Nengeri (DUN) Lingga ba Pengawa Bepilih Besai Nengeri Sarawak Ke-12 bisi ngulu Program Hari Ruang Bilik Gerempung Raban Indu Sarawak (PPWS) Kampung Agropolitan Seduku Baru, Hari Enam.

Maya bejaku ba program, Dayang Norazah meri pengaga ati ngagai PPWS Pampang Agropolitan Seduku laban mujur ngatur aktiviti Hari Ruang Bilik PPWS enggau ngarapka program nya ulih dikena nanggam kaul entara sida.

Kelimpah ari nya, iya meri selamat taun baru 2022 ngagai sida ke datai lalu ngarapka semua kaban PPWS terus begempung enggau ngambi bagi ba sebarang aja program ke diatur PPWS.

Hari ruang bilik PPWS nya endang program ninting taun diatur dikena nanggam pemanah kaul entara kaban gerempung.

Sekumbang program diatur, mayuh aktiviti bisi diatur baka besenam, pekit nyura anak mit enggau lumba rayat.-EDISI UKAS

add comment