MPP Udah Ngadang Napi Ampuh Bah

HARI SATU, 3 JANUARI 2022

PADAWAN: Kaunsil Mengeri Padawan (MPP) udah ngadang napi penusah ampuh bah ke dipelaba nyadi ketegal gaya hari ke enda tentu.

Chairman Iya, Lo Khere Chiang madah, semua ejensi dibaruh Komiti Penyangga Penusah Bagi Menua  (JPBB) Kuching deka besaup napi penyadi nya.

Entara ejensi nya nyengkaum Mpp, Opis Kereja Raya (JKR), Opis Parit Enggau Entali Ai (JPS), Opis Penyaga Orang Periman Malaysia (APM), Opis Bomba Enggau Penyah Penusah Malaysia (JPBM) enggau ke bukai.

Semua ejensi tu deka besaup napi penusah ampuh bah nya.

Iya madah munyi nya maya nyerahka projek Program Transformasyen Menua Pesisir (RTP) di Sekula Primari (SJK) Chung Hua Batu 8.5, Jalai Batu Kitang pagi tadi. 

Sepenyampau RM150,000 agih belanja diberi dikena ngemanah gelanggang basketball ba dewan serbaguna di sekula nya.-EDISI UKAS

add comment