Pemujur Di DUN Muara Tuang Kelai Pemujur Semua Peranak Muara Tuang

HARI SATU, 3 JANUARI 2022

MUARA TUANG: Dato’ Idris Buang ngasaika pemujur iya ngetanka penuduk ba DUN Muara Tuang ba PRN12 siti pemujur besai ungkup semua peranak ba sitak nya.

Bejaku ba pengerami makai selamat enggau meri basa ngagai Kelab KMKK Pelilih Muara Tuang Hari Minggu, ku iya semua tim parti udah gawa bebendar dikena nentuka sida menang.

Nya alai, iya bedanji deka ngintu nasip rayat ba sitak nya enggau badas.

Pia mega, iya temegah meda kerejasama ke udah ditunjukka bala tuai parti dalam nyaup GPS menang ba DUN Muara Tuang.

Sama bisi datai ngulu program nya Kaban Parlimen Kota Samarahan, Rubiah Wang; Temenggong Menua Samarahan, Chek Bujang; Pemancha Menua Samarahan, Seli Hasan sereta ke bukai.

Udah nya, iya nesai semua peranak DUN Muara Tuang terus sepenemu nyukung agenda pemansang ke dilanggur perintah nengeri. -EDISI UKAS

add comment