1,608 Mensia Mayuh Nerima Tuchuk Vaksin Dos Booster Di PPV Summer Mall

HARI DUA, 4 JANUARI 2022

KOTA SAMARAHAN: 1,680 iku udah betuchuk vaksin dos booster ba Palan Meri Vaksin (PPV) Summer Mall Shopping Complex saharitu tadi.

Pengawa nya diatur Klinik Kota Raya enggau Klinik Ceria Mesra ti meri vaksin bansa Pfizer BioNTech enggau Sinovac.

Program vaksinasyen dos booster udah berengkah diatur kenyau 2 Januari 2022 nyentuk 30 Januari 2022 bepun jam 9 pagi nyentuk 4 lemai.

Kelimpah ari nya, Opis Pengerai Sitak Samarahan minta mensia mayuh datai betuchuk vaksin enggau chara terus jam 1 lemai nyentuk 4 lemai ba PPV nya.

Sida ke nerima vaksin lebuh dirandau meri besai terima kasih ngagai perintah Sarawak laban udah ngatur program vaksinasyen nya dikena nagang pengelekai COVID-19.-EDISI UKAS

add comment