Komuniti Maritim Ditangkan Nyaga Pengelikun Diri Ketegal Gaya Hari Enda Tentu Manah Di Tasik

HARI DUA, 4 JANUARI 2022

KUCHING: Komuniti maritim ba tasik Sarawak ditangkan ngambika semampai betatika pengelikun diri bepun hari gaya hari ke enda tentu manah maya tu.

Lalau nya dibantai Direkter Ejensi Penerit Adat Maritim Malaysia (MARITIM) nengeri Sarawak Laksamana Pertama Maritim Zin Azman Md Yunus ba penerang media kemari.

Belabuh kemari, 3 november 2021, gaya hari dipelabaka enda tentu manah nyentuk bulan March 2022.

Opis Metereologi Malaysia madahka pengelaju ribut timur laut iya nya 40 ngagai 50 kilometer sejam lalu peninggi umbak 3.5 meter tau bendar ngeruga pengelikun ngagai perau, kapal mit enggau pengawa rekreasyen ba tasik.

Lalu ba sektor kapal, ribut timur laut 60 kilometer sejam enggau peninggi umbak lebih 4.5 meter (kategori ketiga) dipelabaka nyadi ba lebuh tasik ti ngeruga pengelikun ngagai pengawa berikan, kapal, nyengkaum platform minyak.

Nyema penusah enda disadang nyadi, tau betelefon terus ngagai lumur MERS 999 tauka palan operasyen  Maritim Malaysia Nengeri Sarawak nengah 082-432544/ 082-432006 dalam kandang 24 jam.-EDISI UKAS

add comment