Stesyen Minyak PETROS Deka Digaga Di Saratok

HARI DUA, 4 JANUARI 2022

SARATOK: Siti Stesyen Minyak Petroleum Sarawak Berhad (PETROS) deka digaga ba Wadira Food Court semak simpang Saratok.

Perkara nya dipadahka ADUN Kalaka Mohamad Duri maya Aum Besai Koperasi Penyereta Felcra Menua Saratok Berhad Taun 2021 di Dewan Dayak, kena Hari Minggu.

Ku iya, stesyen minyak nya udah dikemendarka digaga Kepala Menteri Datuk Patinggi Tan Sri Dr Abang Abdul Rahman Zohari Tun Datuk Abang Openg taun 2019 suba.

Nambahka jaku iya, Mohamad madah, koperasi penyereta Felcra menua Saratok udah beempu tanah ba Wadira Food Court ba simpang Saratok nya ari Opis Tanah Enggau Servei Sarawak, empai lama tu tadi.

Enggau nya, ku iya, koperasi nangkan ke tu ulih ngaduka pemansang ba tanah nya nyengkaum ngaga palan ngetu (R&R) ke baru.-EDISI UKAS

add comment