Tuchuk Vaksin Ungkup Nembiak Beumur 12 Taun Ke Baruh Di Sarawak Diberi Februari 2022

HARI DUA, 4 JANUARI 2021

KUCHING: Pengawa meri tuchuk vaksin COVID-19 ngagai nembiak ke beumur 12 taun ke baruh di Sarawak deka belabuh diatur bulan Februari 2022.

Kenu ku Dato Sri Dr Sim Kui Hian, perambu nya seririh enggau pengawa sekula deka dibuka enda lama agi.

“Lebuh beratika pengawa sekula deka dibuka, Perintah Sarawak udah besedia deka meri tuchuk vaksin COVID-19 ngagai nembiak baruh umur 12 taun,” ku iya madah ba siti penerang Facebook, Hari Minggu.

Ngelansa pekara ke sebaka, iya nerangka Opis Menteri Pengerai Malaysia (KKM) deka berengkah ngatur tuchuk vaksinasyen nembiak baruh umur 12 taun bepun 12 Februari 2022 chap vaksin Pfizer-BioNTech. 

Nitihka taga ke udah dipadah, nembiak sekula taun tu berengkah 3 Januari 2022, tang Opis Menteri Pelajar Malaysia (KPM) merambu deka nangguhka dulu haribulan nya ngagai 9 Januari sepengudah ngira penyadi ampuh bah nuntung menua.

Pia mega , Dato Sri Dr Sim madahka, Sarawak deka ngalih ngagai Pelin Penyuman Menua (PPN) Fasa 4 BEPUN 3 Januari 2022.-EDISI UKAS

add comment