PGA Sarawak Ngerikod RM49.5 Juta Ari Penyampau Pengawa Ngerampas, Ngetan Sepampanjai Taun 2021

HARI TIGA, 5 JANUARI 2022

KUCHING: Pasukan Gerakan Am (PGA) Sarawak udah ngerikod RM49.5 juta ari penyampau pengawa ngerampas nengah mayuh operasyen sepemanjai taun 2021.

Nitihka penerang PGA Sarawak kena Hari Enam, ari pengawa nya, 538 iku udah ditangkap nyengkaum 241 peranak menua tu enggau 279 iku peranak menua bukai.

Penerang mega madah,  Op Kontraban ngerikod pemadu mayuh penyampau pengawa ngerampas iya nya RM27.7 juta ari 43 bengkah operasyen.

Ba Op Benteng COVID-19, penyampau ari pengawa ke dirampas iya nya RM1.078 juta ari 337 iti pengawa ngabas ngenyit alai 402 iku udah ditangkap nyengkaum 129 iku peranak menua tu enggau 276 iku orang menua bukai.

Lalu 69 ‘tekong’ peranak menua tu enggau 7 iku ‘tekong’ peranak menua bukai udah ditan kelimpah muru 974 iku peranak menua bukai tama belalai (PATI) ti nyengkaum 788 lelaki enggau 186 indu.

Ba Op Libas, bisi 50 kes mujur diputarka enggau penyampau pengawa ke dirampas iya nya RM14.09 juta.

Semilan kes OBK ditemu nyadi sempanjai taun 2021 alai ari pengawa nya penyampau ari pengawa ke dirampas iya nya RM705,418 ke nyengkaum 6 lelaki enggau siku indu menua tu kelimpah 2 iku peranak menua bukai.-EDISI UKAS

add comment