HARI TIGA, 5 JANUARI 2021
KUCHING: Rintai kabinet nengeri Sarawak mujur angkat sumpah mangku pengawa ba mua Tuai Megai Menua (TYT) Nengeri Sarawak Tun Pehin Sri Abdul Taib Mahmud ba begunan Kunsil Nengeri (DUN) di Petra Jaya, Kuching.
Pengawa ke diatur kena Hari Dua nya dipejalaika enggau chara ‘hibrid’ ti mandangka 10 iku menteri enggau 26 iku menteri muda datai angkat sumpah.
Pengawa nya bela dikemataka Kepala Menteri Sarawak, Datuk Patinggi Tan Sri Dr Abang Abdul Rahman Zohari Tun Abang Openg enggau bini, Puan Sri Juma’ani Tun Tuanku Bujang, Speaker DUN Sarawak, Tan Sri Datuk Amar Mohamad Asfia Awang Nassar enggau Sekretari Perintah Nengeri Datuk Amar Jaul Samion.
Pengawa lemai nya dipunka enggau tiga iku Sapit Kepala Menteri iya nya Datuk Amar Douglas Uggah Embas, Datuk Amar Awang Tengah Ali Hasan enggau Datuk Seri Dr Sim Kui Hian.
Tu ditangkan Menteri Pemansang Orang Indu, Nembiak enggau Pengelantang Mensia Mayuh, Dato Sri Fatimah Abdullah, Menteri Pengatur Pemansang, Pengawa Betanam Betupi enggau Pemansang Kandang Menua Dato Sri Dr Stephen Rundi Utom, Menteri Dagang Temuai, Industri Kreatif enggau Seni Panggau enggau Menteri Raban Nembiak, Lumba enggau Pemansang Dagang Dato Sri Abdul Karim Rahman Hamzah, Menteri Perengka Pengangkut Dato Sri Lee Kim Shin, Menteri ba Opis Kepala Menteri Datuk John Sikie Tayai, Menteri Utiliti enggau Telekomunikasyen Datuk Julaihi Narawi enggau Menteri Pelajar, Inovasyen enggau Pemansang pengelandik Datuk Roland Sagah Wee Inn.
Nangkan ke nya, gintir raban menteri muda angkat sumpah iya nya Datuk Francis Harden Hollis, Datuk Dr Jerip Susil, Datuk Liwan Lagang, Datuk Rosey Yunus, Datuk Len Talif Saleh, Datuk Dr Abdul Rahman Junaidi, Datuk Dr Abdul Rahman Ismail, Datuk Sharifah Hasidah Sayeed Aman Ghazali, Dr Annuar Rapaee, Datuk Dr Malcolm Mussen Lamoh, Datuk Dr Penguang Manggil, Datuk Snowdan Lawan, Datuk Abdullah Saidol enggau Datuk Sebastian Ting Chiew Yew.
Sekeda ari 12 iku ke baru megai pengawa ba Kabinet Sarawak iya nya Datuk Gerawat Gala, Dr Hazland Abang Hipni, Datuk Dr Juanda Jaya, Aidel Lariwoo, Datuk Henry Harry Jinep, Dr Ripin Lamat, Mohamad Razi Sitam, Martin Ben, Datuk Majang Renggi, Jefferson Jamit Unyat, Datuk Gerald Rentap Jabu dan Micheal Tiang Ming Tee.-EDISI UKAS
