HARI EMPAT, 6 JANUARI 2022

KUCHING: Singkang pemansang ba pekara pelajar nengeri tu deka dikemujurka enggau beberapa iti inisiatif.

Menteri Pelajar, Inovasyen enggau Pemansang Pengelandik Sarawak, Datuk Roland Sagah Wee Inn madah, pengeransing nya nentuka pemanah tikas pelajar nengeri Sarawak.

“Kita mega deka nambahka pemayuh pengajar kelimpah ngemanahka sekula enggau meri perengkaguna ba tiap sekula nyengkaum internet,” pia ku iya madah.

Iya bejaku munyi nya maya bejalaika pengawa keterubah iya bejadika Majlis Libaturus Pengetua dan Guru Besar ari Opis Pelajar Pelilih Serian, kena Hari Tiga.

Berebak enggau nya, Datuk Roland madah, semua buah penemu ke udah dibantai Pegawai Pelajar Pelilih (PPD) Serian deka diperundingka.

Pengawa sehari nya bela digulu Kaban Kunsil Nengeri (ADUN) Bukit Semuja John Ilus enggau ADUN Tebedu, Dr Simon Sinang Bada.-EDISI UKAS