Datuk Amar Jaul Nyua Dokumen Chairman JPBNS Ngagai Datuk Amar Douglas Uggah

HARI LIMA, 7 JANUARI 2021

KUCHING: Sekretari Perintah Nengeri Sarawak, Datuk Amar Jaul Samion nyuaka dokumen pangku pengawa Chairman Komiti Penyangga Penusah Nengeri Sarawak (JPBNS) ngagai Sapit Kepala Menteri, Datuk Amar Douglas Uggah Embas ba Wisma Bapa Malaysia ditu, kena Hari Empat.

Pengawa nya bela dikemataka Sapit Kepala Menteri ke mega Penyanding Penemu JPBNS, Dato Sri Dr Sim Kui Hian, Sapit Sekretari Perintah Nengeri Sarawak (Transformasyen Menua Pesisir), Datu Ik Pahon Joyik enggau Pemangku Direkter Opis Pengerai Nengeri Sarawak, Dr Rosemawati Ariffin.

Ke penemu rama, kena 6 November 2021, penuduk nyadi Chairman JPBNS disuaka Datuk Amar Douglas Uggah ngagai Datuk Amar Jaul bepun ari Kunsil Nengeri (DUN) Sarawak direrak ketegal meri awak ngagai Pengawa Bepilih Besai Nengeri Sarawak Ke-12.

Ba pekara bukai, JPBNS ba penerang media madah, jam sektor ekonomi dibuka ungkup pengawa ti dikemendarka ba renggat ke empat Pelin Nyumanka Menua (PPN) nitihka atur operasyen premis baka ba lisin ke udah ditetapka.

JPBNS mega madah, tu bebida enggau jam maya renggat ketiga PPN ti semina ditatak dibuka naka pukul 12 tengah malam aja. -EDISI UKAS

add comment