Tim ‘Volunteer’ Datai Ngelawa Rayat Di DUN Kuala Rajang Ngisi Nama Ba Sistem E-Kasih

HARI LIMA, 7 JANUARI 2022

TANJONG MANIS: Siti tim ‘volunteer’ udah ditumbuh bejalai ngelawa mensia mayuh ba sitak Kunsil Nengeri (DUN) Kuala Rajang nyaup ngerejister nama ba sistem E-Kasih.

Menteri Muda Pemansang Mengeri enggau Pengeraja Asal, Datu Len Talif Salleh madah, tu sebagi ari pengawa deka nentuka sida ke patut ditulung direjister ba sistem E-Kasih ngambika enda tinggal nerima bantu ari perintah.

“Kitai deka meda sida ke patut nerima bantu ari perintah ba DUN Kuala Rajang dipasukka ba sistem E-Kasih ngambika bantu perintah muntang agi diberi,” pia ku iya madah, kemari.

Ba pengawa nya, beberapa iku ‘volunteer’ ari tiap bengkah genturung pendiau begulai enggau Tuai Raban Bansa enggau Genturung Pendiau (KMKK) udah bejalai nyaup ngisi penerang rayat dia ke patut nerima bantu.

Datu Len ke mega Kaban Kunsil Nengeri (ADUN) Kuala Rajang minta kerejasama ari semua rayat ba DUN nya meri kerejasama ngagai tim volunteer nya. -EDISI UKAS

add comment