Agriculture Facilitation Fund Mantu Orang Bedagang Mit

HARI ENAM, 8 JANUARI 2022

SARIKEI: Inisiatif perintah nengeri nyendiaka Agriculture Facilitation Fund (AFF) dikena mantu orang bedagang mit neruska betapi enggau pengelekai COVID-19.

Menteri Muda Pemansang Mengeri Enggau Pengeraja Asal ti mega ADUN Kuala Rajang, Datu Len Talif Salleh madahka belanja nya nempa awak orang bedagang mit kelebih agi orang indu bejual barang pemakai.

Iya bejaku munyi nya ba program ‘high tea’ begulai enggau bala pemesai di Palan Nyumai Kemas, Kampung Baru Seberang, kemari.

Ku iya nambah, atur program enggau kus nyumai ulih nyaup nyungkakka tikas pengelandik orang indu ti bisi ngembuan juluk ati ba industri dagang pemakai.-EDISI UKAS

add comment