Penanggul Sapat Tebing Ai Kampung Manggut Benung Diperambu.

HARI ENAM, 8 JANUARI 2022

SARIBAS: Kaban Kunsil Nengeri (ADUN) Saribas, Mohammad Razi Sitam begulai enggau Pegawai Ari Opis Ai Enggau Entali Ai (DID) Sitak Betong udah datai Hari Lima tu tadi di Kampung Manggut, merambu deka ngiga chara napi penanggul sapat tebing ai pechah ketegal ai pasang raya empai lama tu tadi.

Maya ngemataka palan endur penusah nya nyadi, Mohammad Razi mega ngabas beberapa buah rumah dia ke tebunsa ketegal ai pasang raya.

Nitihka penerang DID Betong, dikena ngatur penanggul sapat tebing ai ti pechah nya, kereja nasih tanah sereta ngaga ‘flap gate’ beguna bendar ambikka ulih nyeliah pekara ke sebaka enda nyadi dudi hari ila

Ba program ke sebaka, Mohammad Razi  meri pemeri ari iya empu ngagai siku peranak Kampung Manggut ti beguna ka bantu kena berubat.-EDISI UKAS

add comment