PPRMS Nyaup Orang Kurang Penatai Pemisi, Begunaka Bantu Ngemanahka Rumah

HARI MINGGU, 9 JANUARI 2022

SARIKEI: Menteri Pemansang Mengeri Enggau Pengeraja Asal ke mega ADUN Kuala Rajang, Datu Len Talif Salleh udah matau sereta ngabas mensia mayuh di Sarikei  ti begunaka bantu ngemanahka rumah.

Ba pengawa nya kemari iya meda kediri gaya rumah ti mesti dikemanahka lalu ngena awak ke sebaka berandau enggau bala peminta di Taman Susur Jambu.

Projek Ngemanahka Rumah Orang Seranta (PPRMS) ari perintah nengeri endang engkeman digaga dikena mantu raban orang seranta ngaga rumah sida ke udah lama nya.

Pia mega, program tu inisatif ari perintah GPS Sarawak bepun ari buah penemu Kepala Menteri Sarawak Datuk Patinggi Tan Sri (Dr) Abang Abdul Rahman Zohari Tun Datuk Abang Openg dikena meri pengelantang ngagai rayat.

Datu Len maya nya berasai lantang ati enggau pengawa ti udah dipejalaika di DUN Kuala Rajang lalu deka diteruska nyema bisi belanja ari perintah Sarawak.-EDISI UKAS

add comment