SEB Enggau CENTEXS Nadai Ngerikodka Sebarang Kes Bebadi Ba Palan Endur Gawa

HARI MINGGU, 9 JANUARI 2022

KUCHING: Sepenyampau 51 kuntriktor ari 19 serikat ti berejister ba Sarawak Energy Berhad (SEB) udah ngenataika diri ba program ‘Working At Height’, bepalan ba Palan Penyulut Teknikal Sarawak (CENTEXS) Kuching, kemari.

Sapit Direktor Akademi Industri Centexs Dr Nadianatra Musa madah, program ‘working At Height’ tu diatur sehari dikena meri latih ngagai bala penyereta bekaul enggau teori sereta praktikal.

Berebak enggau nya, Menijar Besai (Occupational Safety) Sarawak Energy Berhad, Effendy Syaiful Abdullah madahka, program kerejasama entara kuntriktor enggau SEB ulih nyungkakka tikas penemu enggau pengelikun diri ba palan gawa seririh enggau tuju program Sarawak Energy ‘Everybody Goes Home Safety’.

Ba pengawa ke sebaka, SEB enggau CENTEXS netapka tagit 500 penyereta ninting taun nengah program enggau kus bekaul enggau SEB.

Sama bela datai Ketuai Centexs Commercial, Mohamad Shahren Mohamad Yusri; Ketuai Executive (Contract & Procurement, Bumiputera Participation SEB, Awang Abdul Razak Awang Abdul Hamid enggau bala kuntriktor. -EDISI UKAS.

add comment