Perintah Sarawak Deka Ngiga Orang Ke Landik Sebedau Numbuh ‘State Sovereigen Fund’

HARI SATU, 10 JANUARI 2022

KUCHING: Perintah Sarawak deka numbuhka ‘State Sovereigen Fund’ dikena ngamatka semaya ari 34 iti pekara baka ba manifesto Pengawa Bepilih Besai Nengeri Sarawak Ke-12 empai lama tu tadi.

Kepala Menteri Sarawak, Datuk Patinggi Tan Sri Dr Abang Abdul Rahman Zohari Tun Datuk Abang Openg madah, turu nya deka berengkah ditumbuhka udah perintah Sarawak bisi sida ke landik ti ulih meri penemu sentang pengawa nya.

Iya bejaku munyi nya ba aum media udah betuaika aum Kaunsil Besai PBB Renggat Ke-13 ba Palan Konvensyen Borneo Kuching (BCCK), kemari.

Ba pekara bukai, Kepala Menteri mega madahka perintah Gabungan Parti Sarawak (GPS) deka nyaup sida ari ruang bilik B40 enggau M40 mayar deposit meli rumah enggau penyampau RM10,000 berengkah bulan tu.-EDISI UKAS

add comment