Raban Nembiak PBB Maradong Nyaup Ngerejister Enggau Ngemaru BKM Ungkup Taun 2022

HARI SATU, 10 JANUARI 2022

BINTANGOR: Program Bantuan Keluarga Malaysia (BKM) Tahun 2022 ti diatur Raban Nembiak Parti Pesaka Bumiputera Bersatu (PBB) Meradong udah dipenyadika ba Dewan Surau Darul Ikhsan Bintangor, kena Hari Enam.

Pengawa ngerejister enggau ngemaru BKM berengkah dibuka bepun 1 nyentuk 31 Januari 2022 ngembuan tuju nyaup mensia mayuh ngerikodka nama sida ke empai berejister, ambikka dipasuk ba palan data perintah. 

Penerima ke udah berejister mega ulih ngubah sereta ngemaru sistem data sida.

Kelimpah ari nya, tuju program tu mega diatur dikena nyaup ngemaruka pom peminta kelebih agi sida ke udah tuai beumur lebih 60 taun nengah chara manual.

Udah nya, ungkup sida ke bujang, sida ulih meda kediri ba media rama nyema bisi ubah tauka ngerejister baru disaup Raban Nembiak PBB Meradong.

Program nya bejalai enggau mujur sereta nitihka Atur Operasyen Standard (SOP) ti udah ditetapka.-EDISI UKAS

add comment