Datuk Amar Awang Tengah Nyua Geran MRP Ngagai Semilan Gerempung Enggau NGO

HARI TIGA, 12 JANUARI 2022

KUCHING: Sapit Kepala Menteri Datuk Amar Awang Tengah Ali Hasan udah nyuaka geran Projek Mit Menua Pesisir (MRP) enggau penyampau RM220,000 ngagai semilan gerempung enggau gerempung ukai dikuasa perintah (NGO).

Geran nya disuaka iya ba Wisma Sumber Alam, kena Hari Tiga.

Datuk Amar Awang Tengah madah, iya bisi nerima agih belanja tambah ari Kepala Menteri Datuk Patinggi Tan Sri Dr Abang Abdul Rahman Zohari Tun Datuk Abang Openg ketegal agi mayuh peminta diterima.

“Kepala Menteri udah meri agih belanja tambah ngagai aku lalu enti nunda geran tu disuaka taun siti tadi,” pia ku iya madah.

Gerempung enggau NGO ke nerima geran iya nya Kelab Lumba enggau Rekreasyen MINTRED, Kelab Pengintu Pengelantang Rama enggau Rekreasyen MUDeNR, Gerempung Rama enggau Lumba, Opis Tanah enggau Survei, Lembaga Amanah Kebajikan Islam Serian, Gerempung Main Petanque Sitak Kuching, Gerempung Taekwando Nengeri Sarawak, Kelab JPJ Kuching enggau Samarahan (KUSMA), Dewan Usahawan Bumiputera Sarawak enggau Surau An-Nur JPJ Nengeri Sarawak. -EDISI UKAS

add comment