Pengawa Bekaul Udah Ampuh Bah Nyadi Patut Dikemeratka

HARI TIGA, 12 JANUARI 2022

KUCHING: Pengawa ke patut digaga udah penusah ampuh bah nyadi mesti dikemeratka maya napi musim ujan diatu.

Sapit Kepala Menteri Datuk Amar Douglas Uggah Embas madah, pekara tu chukup beguna dikena mutarka sebarang penanggul enda disadang nyadi kelebih agi ditapi bala mensia mayuh maya ampuh bah.

“Sarawak diatu benung betapi enggau musin landas, ngujungka pekara ke nyadi iya nya jematan runtuh, jalai jai enggau ke bukai.” ku iya bejaku munyi nya maya ngulu pengawa mantaika penerang ba Opis Menteri Infrastruktur Enggau Penyangkai Kapal di Wisma Bapa, kena Hari Dua tu tadi.

Pia mega, Opis Kereja Raya (JKR) dipinta bejalaika pengawa sida enggau lengkas ngaduka pengawa ti patut lebih agi baka nentuka ungkus dikena ngadu perengka guna ke jai lalu dianjung ngagai perintah.

Ku iya, ambika banding, penusah ampuh bah ke nyadi di Baram taun siti tadi ngujungka jematan Sungai Tutoh dianyutka ai lalu empai digaga baru. Tu nyangka ketegal isu ungkus dikena ngaga baru.

“Kitai meda ari penyadi bah taun siti nyin tadi ari sukut mekanisme enggau belanja enda mayuh digaga ngujungka jematan Sungai Tutoh ti anyut bedau diganti, ketegal bisi penanggul,” ku iya nerang.

Bela bisi datai, Menteri Muda Infrastruktur Enggau Pemansang Penyangkai Kapal Aidel Lariwoo, Sekretari Mendam Opis Menteri  Datuk Safri Zainudin enggau Direktor JKR Sarawak Datu Ir. Zuraimi Sabki.-EDISI UKAS 

add comment