HARI EMPAT, 13 JANUARI 2022

BETONG: Menteri Muda Raban Nembiak, Lumba enggau Pemansang Dagang Dato Gerald Rentap Jabu udah nyuaka chek ngagai beberapa iti gerempung ba Palan Servis DUN Layar, kena Hari Tiga.

Chek nya pemeri ari iya ke mega Kaban Kunsil Nengeri (ADUN) Layar enggau Kaban Parlimen Betong, Datuk Robert Lawson Chuat.

Gerempung ke nerima iya nya Gerempung Apai Indai Enggau Pengajar (PIBG) SMK Datuk Patinggi Kedit, PIBG SK Nanga Passa, Biro Raban Indu Semumok Atas Asal, Komiti Pemansang enggau Pengelikun Genturung Pendiau (JKKK) Rumah Jonathan, Serian Ili, SABERKAS Pampang Layar, JKKK Selulap Betong, St Margaret Chapel, Nanga Ajau, Layar, St Augustine Church, Betong enggau Komiti Pengintu Pengelantang enggau Rekreasyen Opis Pemadah Malaysia Pelilih Betong.

Sida ke nerima bela meri jaku terima kasih ngagai seduai alai pemeri nya tau bendar nyaup ngemujurka agi program kelimpah nyadika guna gerempung sida maya pandemik COVID-19.-EDISI UKAS