Penanggul Jalai Sekut Di Batu 7 Dipelaba Teputar April Tu

HARI EMPAT, 13 JANUARI 2022

KUCHING: Penusah jalai sekut ba Batu 7, Kuching udah lama nyadi penanggul ngagai mensia mayuh ke nengah jalai nya.

Kaban Kunsil Nengeri (ADUN) Batu Kitang Lo Khere Chiang madah, dikena mutarka penusah nya, timpuh pengelama ‘trafic light’ jalai ari serian ke Kuching dilanjarka agi berengkah pukul 6 ngagai 9 pagi lalu ari Kuching ke Serian dilanjar berengkah pukul 5 lemai ngagai 7.30 lemai.

“Timpuh pengelama ‘traffic light’ tu mega deka digaga jalai ari Jalai Haji Baki ke Sentosa enggau Sentosa ke Jalai Haji Baki.

“Kitai deka ngansak kontriktor ngerumban nembuka projek ‘flyover’ tu,” pia ku iya madah.

Iya bejaku munyi nya maya dirandau media udah ke ngulu randau begulai enggau Lebuhraya Borneo Utara Sdn Bhd, Opis Kereja Raya (JKR) enggau kontriktor dikena ngiga chara mutarka penusah jalai sekut di Batu 7, Kuching, kena Hari Tiga.

Lo ke mega Chairman Kaunsil Padawan (MPP) madahka iya enggau ADUN Kota Sentosa Yap Yau Sin udah nerima mayuh sebana bekaul enggau pekara nya.

Iya ngarapka mensia mayuh ti nengah jalai nya liat ati naka ke diatu nyentuk projek ngaga ‘flyover’ Batu 7 tembu bulan April tu.-EDISI UKAS

add comment