Dato Gerald Nyua Chek RM30,000 Ngagai LEDC

HARI LIMA, 14 JANUARI 2022

BETONG: Menteri Muda Raban Nembiak, Lumba enggau Pemansang Dagang ke mega Kaban Kunsil Nengeri (ADUN) Layar, Dato Gerald Rentap Jabu udah nyuaka geran Projek Mit Menua Pesisir (MRP) RM30,000 ngagai Komiti Pemansang Pelajar Layar (LEDC), kena Hari Tiga tu tadi.

Geran nya dikena nyaup LEDC ngatur sereta ngemujurka program ninting taun sida.

Kelimpah ari nya, iya maya nya bela dipebasa bejadika Pengerami Nutup Program Sinar Mutiara SMK St Augustine (SEMESTA) lalu bejadika Program Pecutan Suntikan Cerah 064 di Dewan Sri Jabu, Sekula Sekondri (SMK) St Agustine Betong.

Awak nya dikena iya meri jaku peransang ngagai bala nembiak ke deka ngambi peresa Sijil Pelajaran Malaysia (SPM).

Kelimpah ari nya, Dato Gerald madah, enggau gajet tablet ke diberi LEDC, iya ngarapka bala nembiak ulih bekenaka perengka guna nya enggau manah ngiga penemu bekaul enggau pelajar.-EDISI UKAS

add comment