11 Iti Sekula Di Zon Sarikei Nerima Pemeri Ari Turu PIBG

HARI ENAM, 15 JANUARI 2022

SARIKEI: Bisi 11 iti sekula primari enggau siti sekula sekondari ungkup Zon Sarikei ba kandang Parlimen Tanjong Manis nerima pemeri turu ari Gerempung Apai Indai Enggau Pengajar (PIBG).

Turu tu iya nya pemeri ninting taun ari Kaban Parlimen Tanjong Manis Ir Yusuf Abdul Wahab, dikena tiap iti sekula bejalaika pengawa ninting taun sida ketegal ngira pengawa besekula udah berengkah dibuka.

Kelai pengawa pemeri tu udah dipenyadika Ir Yusuf ba Dewan Sri Nyelong Sarikei, kemari. 

Dipadahka, Sekula Sekondari (SMK) Sarikei Baru nerima pemeri sepenyampau RM20,000. 

Kelimpah ari nya, Sekula Primari (SK) Muara Payang, SK St. Andrew Sare, SK Adin Sare, SK Abang Haji Matahir, SK Mandor Aris, Selalang, SK Sungai Sentebu, SK Bukit Kinyau, SK Jawa Kerubong, SK Agama Sarikei enggau SJK San Ming, Sare bela nerima pemeri sepenyampau RM5,000.-EDISI UKAS

add comment