ADUN Simanggang Udah Ngabas Sereta Betemu Enggau Ejensi Bekaul Ba Opis Kereja Raya (JKR)

HARI ENAM, 15 JANUARI 2022

SRI AMAN: Menteri Muda Pelajar, Inovasyen Enggau Pemansang Pengelandik 1 ke mega ADUN Simanggang Datuk Francis Harden Hollis, udah ngabas sereta betemu enggau ejensi bekaul ba Opis Kereja Raya (JKR) sitak Sri Aman, kena Hari Empat tu tadi.

Datuk Francis maya nya dipadahka bisi 14 Projek Transformasyen Menua Pesisir (RTP) taun 2021 ari Majlis Daerah Sri Aman (MDSA) beungkus RM1.45 juta, nyengkaum projek sistem parit ari Opis Parit Enggau Entali Ai (DID) sitak Sri Aman ke beungkus RM1.75 juta benung dipejalaika.

Ba awak ke sebaka, aum perambu pemansang 13 projek RTP beungkus RM2.2 juta dipejuraika maya nya kelimpah aum ngaga tebing sungai (Waterfront) Sri Aman, ‘Benak Tower’ enggau Penyangkai Ikan Bulu deka mai pemaik ngagai rayat diau dia.-EDISI UKAS


add comment